МНС у гасцях у «Сонейка»

Дата: 28 декабря 2023 в 23:04, Обновлено 3 января 2024 в 23:08
68 просмотров

Навучанне дзяцей бяспекі - гэта вельмі важная задача, якую выконваюць работнікі Лельчыцкага раённага аддзела па надзвычайных сітуацыях. Яны праводзяць інтэрактыўныя заняткі ў дзіцячых садках і школах, каб дзеці ведалі, як паводзіць сябе ў экстранных сітуацыях.     

         Адным з такіх заняткаў стала наведванне прадстаўнікамі МНС дзіцячага садка №2 г.п. Лельчыцы «Сонейка». Малыя з цікавасцю слухалі супрацоўніка РАНС і адказвалі на ўсе пытанні. Работнік службы выратавання нагадаў хлопцам і дзяўчынкам нумары службаў экстранага рэагавання і навучылі эвакуявацца з задымленага памяшкання.

         - Нельга хавацца, таму што дым вельмі небяспечны і зможа ўсюды знайсці дзіця. Трэба хутка выходзіць на вуліцу, абараняючы рот і нос мокрай анучкай і прыгінаючыся да падлогі. Адразу трэба расказаць пра тое, што здарылася дарослым, - распавяла дашкольнікам інспектар.

         Таксама выхаванцам нагадалі аб неабходнасці строгага выканання правілаў бяспекі паблізу вадаёмаў, Правілы карыстання піратэхнічнымі сродкамі і як бяспечна ўпрыгожыць навагоднюю елку.

         З выхаванцамі дзіцячага сада правялі конкурсы і віктарыны, малыя з задавальненнем разгадвалі пажарныя загадкі. Акрамя добрага настрою, на памяць аб праведзеным мерапрыемстве ў дзяцей засталіся яркія размалёўкі і буклеты ад МНС.

Все новости
Комментарии:
Оставлять комментарии могут только авторизованные посетители.